Жаңалықтар мен оқиғалар

Абу-Дабиде өтіп жатқан ADIPEC 2025 халықаралық мұнай-газ көрмесі аясында «Қазақтеңізкөлікфлоты» ҰТКҚК» ЖШС және «Caspian Integrated Maritime Solutions» (CIMS) комапнияларының басшылығы AD Ports Group теңіз кластерінің жетекшісі Аммар әл-Шайбамен кездесті.

Кездесу барысында контейнер тасымалдаушы кемелерді салу жөніндегі бірлескен жобаның іске асырылу барысы, сондай-ақ Каспий өңірінде CIMS бірлескен кәсіпорны арқылы жүзеге асырылып жатқан ағымдағы жобалар талқыланды. Сонымен қатар, тараптар Каспий теңізіндегі әлеуетті мұнай-газ жобаларына қатысу мәселелері бойынша пікір алмасты.

Кездесу конструктивті жағдайда өтіп, тараптардың стратегиялық әріптестікті кеңейту және теңіз саласындағы бірлескен бастамаларды дамытуға өзара мүдделелігін растады.