Жаңалықтар мен оқиғалар

«Қазақтеңізкөлікфлоты» Халықаралық теңізшілер күніне арналған іс-шараға қатысты

25 маусым күні Ақтау қаласындағы Достық үйінде Халықаралық теңізшілер күніне арналған дөңгелек үстел өтті. Сонымен қатар, биыл елімізде алғаш рет Жұмысшы мамандықтар жылы аясында Қазақстанның теңіз және өзен флоты күні ресми түрде атап өтілуде.

Шараға теңіз саласының өкілдері жиналып, сала ардагерлері мен мамандар еңбегі үшін марапатталды.

«Түркістан» құрғақ жүк тасымалдау кемесінің екінші капитан көмекшісі Михаил Владимирович Кричевский саланың дамуына қосқан үлесі үшін алғыс хатпен марапатталды.

Барша әріптестерді кәсіби мерекемен құттықтаймыз! Мереке күні ашық теңізде ерен еңбек атқарып жүрген кеме экипаждарына алғысымыз ерекше!