Жаңалықтар мен оқиғалар

«Қазақтеңізкөлікфлоты» ҰТКҚК» ЖШС сыбайлас жемқорлықтың алдын алу және комплаенс жүйесін дамыту мәселелері бойынша оқыту семинары өтті

2025 жылғы 9 қазанда «Қазақтеңізкөлікфлоты» ҰТКҚК» ЖШС кеңсесінде сыбайлас жемқорлықтың алдын алу және тиімді комплаенс жүйесін қалыптастыру мәселелері бойынша семинар-кеңес өтті.

Іс-шара «ҚазМұнайГаз» ҰК АҚ ішкі нормативтік құжаттары мен корпоративтік стандарттарына сәйкес ұйымдастырылды.

ҚТКФ басшылығы мен топ-менеджменті үшін оқытуды «ҚазМұнайГаз» ҰК АҚ Комплаенс қызметінің басшысы Гүлмира Жұмабайқызы Молдағалиева жүргізді.

Семинар барысында келесі негізгі тақырыптар қарастырылды:

1. комплаенс саласындағы нормативтік-құқықтық негіздер мен стандарттар;

2. «ҚазМұнайГаз» ҰК АҚ тобының еншілес ұйымдарында комплаенс-функциясын енгізу және іске асыру тетіктері;

3. «ҚазМұнайГаз» ҰК АҚ Комплаенс қызметі тарапынан мониторинг және бақылау тәжірибесі;

4. комплаенс-қызметтің тәуелсіздігі мен есептілігі туралы мәселелер.

Қатысушылар семинардың жоғары деңгейде ұйымдастырылғанын және оның практикалық бағыттылығын атап өтті.

Сондай-ақ адалдық мәдениетін қалыптастыру, этикалық нормаларды сақтау және ішкі бақылау жүйесінің тиімділігін арттыру мәселелеріне ерекше назар аударылды.

Бұл іс-шара «Қазақтеңізкөлікфлоты» ҰТКҚК ЖШС адалдықтың корпоративтік мәдениетін нығайту мен комплаенс жүйесін жетілдіру бағытындағы маңызды қадам болды.