Жаңалықтар мен оқиғалар

ҚТКФ Бағдарламасы аясындағы ҚТА кадеттерімен кездесу өтті

2025 жылғы 29 қазанда «Қазақтеңізкөлікфлоты» ҰТКҚК» ЖШС Бас директоры (Басқарма төрағасы) Бауыржан Мұратұлы Қазақстан-Британ техникалық университетіне қарасты Қазақстан теңіз академиясының (ҚТА) жұмысымен танысты.

Іссапар барысында ол ҚБТУ ректоры және ҚТА басшылығымен кездесіп, сондай-ақ курсанттарға арналған ашық дәріс өткізді. Бауыржан Мұратұлы ұлттық теңіз компаниясының даму стратегиялары туралы баяндап, Қазақтеңізкөлікфлотының білікті теңіз мамандарын даярлауға және академиямен өзара ынтымақтастықты дамытуға ерекше мән беретінін атап өтті.

Сонымен қатар, ҚТКФ Бағдарламасы аясында Бас директордың ҚТА кадеттерімен жеке кездесуі өтіп, онда теңіз тәжірибесінен өту, кәсіби өсу және тәлімгерлік мәселелері талқыланды.